Бұл бағдарламаның негізгі жұмысы Қазақстанда тұратын әртүрлі ұлт адамдарының арасындағы қарым-қатнас тілін жеңілдетуге арналған. Бұл бағытта негізгі рөл қазақ тіліне жүктеледі. Тілашарда қазақ тілінен басқа орыс, ағылшын, түрік және неміс тілі бар. Бағдарлама күнделікті өмірде жиі қолданылатын сөз бен сөйлемдерді оқып үйренуге арналған. Бағдарламада аталған тілдердегі сөздер мен сөйлемдер, сұрақтар және оларға жауаптар беріледі. Тіашарда тақырыптарға, жағдайларға (мысалы, тақырыптар: дүкен, көлік, қызмет, тұрмыс, жұмыс т.б.) бөлінген күнделікті өмірде жиі қолданылатын жағдайлар қамтылған. Барлық сөйлемдерді тілді жақсы меңгерген маман дикторлар оқиды. Бағдарламаны тіл үйренудің қолайлы құралы ретінде пайдалануға болады, мұнда жеке сөздер мен сөзтіркестер ғана айтылып қоймай, тұтастай сөйлемдер мен олардың айтылуы беріледі. Сөйлемнің дыбыс арқылы айтылатынын ескерсек, оны пайдаланушы оқылатын материалды көріп қана қоймай, құлақпен де еститін болады. Бұл тілді меңгеруге көп септігін тигізеді. Бағдарлама тілдерді үйренудің қолайлы құралы болуымен қатар, тілдік ортаға ену арқылы үйренуге мүмкіндік береді.