| Главная » Файлы » РЕФЕРАТ » Барлық реферат | [ Добавить материал ] |
Егеменмін , тәуелсізбін , азатпын реферат
| 19.01.2014, 16:14 | |
| Тақырыбы: «Егеменмін , тәуелсізбін , азатпын » Мақсаты: Оқушыларды Отанын сүюге, елін- жерін қорғауға тәрбиелеу, ұлтжандылыққа, адамгершілікке баулу, халқымыздың салт дәстүрін сақтауға үйрету. Қазақстан Республикасының тәуелсіздің алғалы жеткен жетістіктерімен таныстыру. Көрнекілігі: Флеш-презентация, слайд, Жүрісі: Қазақстан Республикасының мемлекеттік Гимні 1 — жүргізуші : Қай халық , қандай ұлт болмасын өз еркіндігін аңсайды .Әр ел өзінің егемен , тәуелсіз болуын армандайды .Халқымыздың жылдар бойы аңсаған ізгі армандары жүзеге асқан кезеңде тәулсіздігімізді алдық.Иншалла олар көксеген арманға 20- ғасырдың соңына қарай қол жеткіздік. Соның арқасында бүгінгі таңда өз бағыт-бағдарын ұстанған , өркениет елдер мойындаған жеке мемлекетке айналдық . Осыған байланысты тәуелсіздік күніне орай өткізгелі отырған «Егеменмін , тәуелсізбін , азатпын » атты тәрбие сағатымызға қош келдіңіздер ! 2 — жүргізуші : Міне тәуелсіздігімізді тәу етіп , егемендігімізді ту етіп желбіреткелі 22 жыл болыпты . Осы азғантай уақыттың ішінде елдігімізді танытып еңсемізді көтерген қанша ұлы оқиғалар болды . Мемлекетіміздің тәуелсіздік алғалы жеткен жетістіктері ғасырға пара — пар . Осы өткен өмір жолдарымызға қарасақ , әр жылдың өз шежіресі , сыры , тарихы , қасиеті бар . 1 — жүргізуші : Атыңнан айналайын егемен ел Тәуелсіз күнің туды кенеле бер Мерейің құтты болсын Қазақстан Ғасырлар тойы болшы келе берер 2 — жүргізуші : Мерекең құтты болсын егемен ел Терезең барлық елмен тең ерең ел Бабалар мәңгі бақи арман еткен Теңдікті бостандықты иеленгендер 1 — жүргізуші : Бостандық құтты болсын ерікті ел Айдын көл , көк майсалы , көрікті жер Бостандықты аңсаған батырлардың Әруағына бас ұрып тәу еткен жер Ән : Атамекен 2 — жүргізуші : Азаттық . Теңдік . Тәуелсіздік .Осы үш ұғымның салтанат құруы үшін кімдер бас тікпеді , кімдер құрбан болмады . Сонау дүбірлі батырлар заманынан бері елі мен жері үшін қаншама қан төгілді, қаншама адам құрбан болды . 1 — жүргізуші : Өткеніңді еске алсаң Өскеніңнің белгісі Өткеніңді ұмытсаң Өшкеніңнің белгісі — деп ақын атамыз Жұбан Молдағалиев жырлаған екен . Сондықтан халқымыздың өткен тарихы жастарға , яғни біздерге аманат . Слайд : Тәуелсіздік - халқымыздың бостандаығы мен дербес даму жолындағы сан ғасырлық күрес тарихының нәтижесі . Н. Назарбаев Тарихи тақпақтар : Сайда, Нұрболат, Нұршат, Ержан, Гүларша, Ақжігіт . 1 — жүргізуші: 1986 жылдың 16 желтоқсаны - Қазақтың санасын сілкіндірген желтоқсан ызғары жылдар бойы арман мен тәуелсіздіктің қайнар көзі болды . Бүгінгі жарқын өміріміз сол қаралы күндердің жеңісті жемісі іспетті . 2 — жүргізуші: Осыдан кейін Қазақстан 1991 жылы 16 желтоқсанда тәуелсіз Республика болып жарияланды . Ержан : 1991 жылы 10 қазанда қазақ халқының тұңғыш ғарышкері Тоқтар Әубәкіров ғарышқа самғады . Саиида : 1992 жылы Қазақстан Біріккен Ұлттар Ұйымына мүше болды . Қазақстанның ел рәміздері шықты . Аружан : 1993 жылы Қазақстан Республикасының тұңғыш Конституциясы қабылданды. Қарашаның 15- і күні Қазақстан Республикасының ұлттық ақшасы- теңге айналымға шықты . 1 — жүргізуші: Тәуба тәуелсіздік туының желбірегеніне биыл 22 - жыл ! Тәуекелдің кемесіне мініп , төрт құбыламызды түгендеп , тек алға ұмтылудамыз . Бабалар қанының құнына келген қасиетті ата жұрт , қастерлі бостандық , киелі елдік , бағалы бірлік - бәрі болашақ қалған ұлағат . 2 — жүргізуші: Ұлылардан қалған ұлағатты , ұлы дүниелердің мұрагері - бүгінгі ұрпақ бізбіз. Сондықтан тәуелсіздіктің желбіреп тұрған туынжелкілдетіп , әнін әуеге желкілдетейік , достар ! Тәуелсіздік -бізге, біз- тәуелсіздікке қызмет етейік Ән: Қазақстаным 1 - жүргізуші : Мен қазақпын , ұланымын қазақтың Тәуелсізбін , егеменмін , азатпын Көк байрағым тұр көгімде желбіреп Алатаудай көкке өрлеген азатпын 2 - жүргізуші : Қыран құсым көк аспанда самғасын Желбіресін көк байрағың сан ғасыр Жас ұландар берік ұста туыңды Жарқыратып туған елдің таңбасын Слайд : Қазақстан - Туымен тұғырлы Елтаңбасымен еңселі Әнұранымен айбатты Әнұран: Аиида Елтаңба: Нұрболат Ту: Нұрсұлтан Ән " Көк тудың желбірегені ,, Иса, Аселия- тақпақтар 1- жүргізуші: Кең байтақ Қазақстан менің туған өлкем , оның асқар таулары мен айдын көлдері, жайқалған орманы , жасыл жайлауы - менің ақ бесігім . Сондықтан мен Отанымды сүйемін ! 2 - жүргізуші : Қазақстан , сен заңғар биіксің, кеңсің . Біздің жанымыз өзіңе деген мақтанышқа бөленген . Біз сенің атыңды жер бетіне жар салар перезентіңбіз . Тәуелсіздікті Сүйікті Отанымызды мақтаныш сөзіммен жырлайтын өлең - шумақтарын тыңдап көрелік ! Көркемсөздер : Әділғазы Қайырбеков (Аружан) " Біз кешегі көшпелі елміз ,, Әдібай Табылдиев (Ақжігіт) "Көк байрақ - туымыз ,, Ғафу Қайырбеков (Нұрсұлтан) " Мақтаныш ,, Тұманбай Молдағалиев (Гүларша) "Туған ел туралы ,, Фариза Оңғарсынова (Саиида) "Туған жер , туған ауыл,, Қ . Аманжолов (Гаухар) "Қазақстан ,, Фариза Оңғарсынова (Нұршат) " Қазағым менің ,, 2- жүргізуші: Бақтың құсы әр адамға қонып бір О, Тәңірім, бізді баққа жолықтыр Бүгін міне, Тәуелсіздік ағайын Әр қазақтың жүрегі боп соғып тұр 1-жүргізуші: Көк жүзінде қалықтаған қыранмын Бейбітшілік пен босдандық жыр әнім Самғап жүрсек бостандықта биікте Шарықтайды кең көлемде бұл әнім Ән: Егемен Қазақстаным 2-жүргізуші: Тәуелсіз Қазақстан- Ұлы Отаным Көк туымды қалайша құлатармын Тып-тыныш тұрып жатқан жайымыз бар Бәріміз баласындай бір атаның 1-жүргізуші: Елімізде бақ береке ырыс болсын Қызыл тілім қанжардай қылыш болсын Халқымның ахуалы дұрыс болсын Еліміз әрқашанда тыныш болсын Қорытынды сөз: Сынып жетекшісі | |
| Просмотров: 4702 | Загрузок: 0 | | |
| Всего комментариев: 0 | |
